Homenaxe a Ramón Soto Mariño (Pimienta)

Homenaxe a Ramón Soto Mariño ( Pimienta)

O día 1 de febreiro ás 20:00 horas no Centro Sociocultural de Vilaxoán, avenida Ramón Patiño

Tivo lugar unha homenaxe ao camarada e amigo Ramón Soto Mariño (Pimienta) falecido nun tráxico accidente no mar de Arousa o día 23 de decembro de 2011.

Interviron Ramón Bueno, Teo Cardalda, Xesús Alonso Montero, Juan Fajardo e parte do grupo A Quenlla. Quero darlle as grazas a todos os que fixeron posible esta Homenaxe, en especial a Xesús Alonso, Mini e Mero e os seu compañeiros do grupo por estar connosco neste acto emotivo

 

VIDEO DO ACTO

 Palabras ditas por Teo Cardalda F. no acto da homenaxe.

    Moi boas noites a todas e todos. Grazas por acompañarnos neste sinxelo e emotivo acto en lembranza de Ramón Soto Mariño (Pimienta).

    Perder un amigo é unha das experiencias máis tristes que unha persoa debe afrontar na vida. Moito máis cando un viviu aquela noite tráxica e fatal. Todos nalgún intre sufrimos a perda dun amigo e camarada e por veces resúltanos moi difícil pensar que esa persoa, con quen compartimos tantos momentos, xa non estará máis na nosa vida.

   É común preocuparse polo amigo que morreu. Podo pensar constantemente nesa persoa, pasar pola mente as circunstancias da súa morte unha e outra vez, pero a súa morte foi inesperada como aciaga e misteriosa. Pero eu nestes intres, non quero coñecer máis os detalles porque coido sinceramente que non engadaría luz ao asunto, senón moitas máis sombras, que xa son demasiado abondosas.

    Ramón, compañeiro de traballo, amigo en tódalas facetas da vida e camarada na loita social e humanista neste mundo cobizoso que esborrallase en corrupción; o mar de Vilaxoán, este mar de Arousa levouno para sempre. Pimienta, era un home que daba o primeiro paso adiante en toda causa solidaria, en defensa do seu Vilaxoán, na Asociación de Veciños onde estivemos xuntos moitos anos, no sindicato, no Partido Comunista e Esquerda Unida organización e ideal que sempre foi fiel que xamais trocou.

   En toda esta andaina Ramón, o facía coa súa propia marca: a sinxeleza e a humildade. Máis tamén, outra das características máis fondas do seu quefacer era a coherencia que amosaba coa súa achega, pousada, obxectiva e con responsabilidade. Aínda agora non me creo que aquela noite cando saímos para o mar ía a ser a súa derradeira singradura. Este mar de Arousa, deixouno sen un sopro de vida. Veu de volta navegando connosco ata terra entre lamentos , choros e queixumes que se escoitaban nos postos de mando dos remolcadores.

   En Vilaxoán seguen chorando os sorrisos e as flores múrchanse, pero sempre navegaran os días no lento navío dos meses e anos coas ondas das lembranzas e co recendo do salitre do Preguntoiro. O día que finou, a brisa fresca deste vento mareiro levoulle o ultimo suspiro, pero Ramón sementou un camiño de solidariedade, amizade e humanidade .

  Ríndolle esta homenaxe e dígolle adeus co puño en alto, polo seu exemplo que danos forza para seguir o seu combate de toda a vida.

Ata sempre camarada.

PATENTE DE CORSO, ELECIÓNS GALEGAS

 

 

PATENTE DE CORSO

 

Teo Cardalda F.

 

    Galicia segue sendo a mesma, a reserva secular masoquista de Occidente. Gústanos que nos azurren co látego no lombo e por sistema pedimos máis. Dá igual que privaticen a sanidade, que se desprece a cultura, estouren o ensino, boten polo sumidoiros o benestar social e esnaquicen a economía.

 

    Que máis da que o PP perdera 140.000 votos, o PSOE e o Bloque tamén baixaron, o máis triste de todo e ver o porcentaxe de abstención, nulos e e branco que chega ata o 39 por cento, ou sexa, de 73 de cada 100 persoas con dereito a voto non votaron ao PP, non encanto, teñen maioría absoluta e con menos votos aumentan escanos. Algo falla nesta Lei Electoral, por iso o castigo ao PSOE en perpetuar esa Lei Electoral inxusta que puido trocala cando puido e non quixo. Lei que sempre favorece ao bipartidismo, agora está probando non seu lombo a súa propia medicina.

    Non encanto, a sorpresa foi a entrada no Parlamento dunha nova forza política con nove deputados. Unha Alternativa Galega de Esquerdas liderada por Xosé Manuel Beiras e Yolanda Díaz que chegaron a ilusionar aos electores con alternativas novas e realizables que queren intentar desde ese parlamento, converténdose nese motor de cambio que a maioría da sociedade necesita. Acadar que entre un ar democrático que hoxe está viciado e narcotizado e rematar con ese anacronismo desta Lei Electoral putrefacta. Coido que o Sr. Feijóo terá unha mosca “cojonera” en AGE, contra esas políticas neoliberais e a “troika” de estafadores.

    Agora desde Madrid algúns dirixentes de o PP xa falan de patente corso para levar adiante máis recortes sociais ante esa maioría en Galicia, quizais non conten con esa abstención que a maioría son desencantados desta “democracia” fedenta e de algúns políticos. Non van a ter moi doado esa patente de corso con AGE nas institucións galegas.

    Xa que o ministro do Interior pediulle ao Papa que rezara por España, Tamén debeu dicirlle que rezara polos galegos de malos pensamentos.

Publicado en Galicia Dixital e Dirio de Arousa