Carta a unha amiga francesa

Carta a unha amiga francesa

   

 Teo Cardalda F.

  

  Estimada amiga Françoise:

     O presidente Sr. Rajoy remata de inaugurar o novo ano 2014, o fixo cunhas declaracións optimistas como si este país fora o seu “cortijo”. Como ti sabes amiga, deixamos atrás dous anos de leis antisociais e represivas e cunha corrupción galopante que afecta a tódalas estruturas do poder onde destacan a reforma laboral de Báñez, a lei educativa de Wert, a reforma da Administración Local de Montoro, a de seguridade de Fernández, ou as leis de Gallardón de taxas xudiciais e regulación do aborto. Levan dous anos gobernando para unha minoría como son a banca, as multinacionais e grandes fortunas.

   Din que teñen maioría absoluta, iso só é unha ferramenta, non unha arma nin unha coartada. Ademais, non lle votou nin o 30 por cento do censo electoral e crense os señores deste “cortijo” chamada España, porén, esquécense de que son só os administradores.

   Amiga Françoise, xa temos falado longo e tendido sobre estes demócratas reconvertidos naquela “transición política” (daqueles pos veñen estes lodos) . Lembro moi ben aqueles anos (1977), cando en París ti me dicías: “como é posible que perdurara unha ditadura de corenta anos onde agora saen demócratas ata debaixo das pedras”. Agora teño que darche a razón, xa que todas esas leis en contra do pobo teñen unha carga ideolóxica aínda que veñan disfrazadas de eufemismos.

    Un dato significativo que ti puideches ler nos xornais franceses, garda moita relación co que ti me dicías: non se pode concibir na Europa actual que un ministro (Gallardón) poida presentar un libro facendo apoloxía do facismo-franquismo con grandes fotos do ditador.

   Camarada Françoise, os dereitos acadados os están convertendo en delitos. Que longo fáiseme o réxime franquista.

   Non sei si nestes dous anos que quedan de “maioría absoluta e optimista” as cousas vaian a peor, se este fora o caso vou ter que pedir asilo político na túa casa de París.

Bicos e apertas amiga Françoise.

Publicado en Diario de Arousa e Galicia Dixital

DOUS ERROS MOI IMPORTANTES

DOUS ERROS MOI IMPORTANTES

Teo Cardalda F.

 

Ante estes últimos escándalos de corrupción de altos cargos institucionais, empresarios e a

Casa Real, os xornais falan de “dano á democracia”. Non encanto, moitos deses xornais tratan

de separar todo esta barafunda do económico e o político. Temos que volver a memoria atrás

de que esas prácticas corruptas: Panafreta,Filesa, Malesa,Times Export, fondos reservados,

Javier de la Rosa, Mario Conde, Colón y Prado de Carvajal (este coa Casa Real), Deputación

de Castellón, Valencia e agora o caso Bárcenas, teñen unha causas.

Este resultado xa ven desde que fixeron aquela transición que foi unha traizón ao pobo
español, porque se fixo mal desde o principio, cedendo en cuestións fundamentais. Falando

claro, cunha oposición que entregouse de pés e mans ao réxime. O resultado está agora á vista,

considero que este réxime actual é un estado de excepción permanente, unha carallada de

democracia. Aínda lembro aqueles cantos á transición polos que estaban gobernando como

era o PSOE, inclusive dicían que a nosa volta á “democracia” a transición política era

exportables para calquera país do mundo. Queiran o deuses que ninguén o fixera, xa que tería

hoxe un país apodrecido e abondo de corruptos, corruptores e mangantes políticos.

       Porén, o máis triste de todo foi aquel 20 de febreiro de 2005, cando aos españois

chamáronnos ás urnas para votar aquel cachifallo de Constitución Europea, engaiolados

polo bipartidismo do PSOE e PP. Hoxe estamos pagando as mentiras que dixeron para votar

si. Teño a sorte que eu votei non e estou coa miña conciencia moi tranquila. Soamente ler

naqueles anos o artigo III-122 e III-166, xa albiscaba o que nos agardaba no futuro, son

artigos que facía referencia aos Servizos Públicos, Seguridade Social e Ensino; reflectía moi

ben o que querían escangallar con palabras de galopíns: “Servizos Económicos de Interés

Xeral”. Este era o paso para privatizar tódolos servizos públicos básicos. Dous grandes erros

moi importantes dese acachoupado bipartidismo para saber o que pasa na actualidade.

 

 

Artigos publicados en Diario de Arousa e Galicia Dixital