Desde O
Preguntoiro
Mareando a
perdiz. Outro esperpento
Teo Cardalda F.
O que se
está vendo desde que o Sr. Sánchez foi elixido polo Rei para formar
goberno, asemella a un esperpento controlado polas momias e os
socioliberais do PSOE, entre eles o coordinador económico do equipo
negociador os economistas Sr. Jordi Sevilla e José Carlos Díez
grandes defensores dese partido dos pactos con Ciudadanos para seguir
o “continuismo” de políticas de austeridade. Ou sexa trocar para
non trocar nada.
Estes
personaxes máis os Felipes, Corcueras e outras momias do pasado, xa
tiñan preparada a estratexia dun pacto con Ciudadanos e tratar de
acadar a abstención do PP. Toda esta vella garda do aparato cos
grandes medios de comunicación e o Ibex 35, está a poñer toda a
carne no asador de que non haia un goberno de progreso e
modernización neste país.
O noxo que
estes economistas e os socioliberais do aparato do PSOE lle teñen a
Podemos é de moito carallo. Non é soamente noxo, senón que están a
servizo dos seus intereses e do Ibex 35 que apurran aos principais
medios de comunicación para ningunear a Podemos inclusive chegaron a
poñelos no “galiñeiro” no Congreso dos Deputados. Por iso
crearon e xustificaron unha liña roxa co dereito a decidir de
Podemos en Cataluña, todo moi deliberado e con moita maldade e os
medios dándolle á bola de neve, falando de que o referéndum da pé axiña á independencia, sendo isto unha falsidade e unha
mentira.
Para máis
inri, eses dous economistas ( Sevilla e Díez ) intentaron
desacreditar á coalición de esquerdas de Portugal ( Partido
Socialista Portugués, Bloco de Esquerdas e Partido Comunista
Portugués ) pola resistencia ás políticas da Troika, dicindo que
que os levaría ao desastre, que a Troika non aceptaría. Tres días
despois, a Comisión Europea aceptou o presuposto presentado polo
goberno portugués. Se España xunto con Franza, Italia e Portugal
resistiran a esas políticas neoliberais outro galo nos cantaría,
por iso fai falla con urxencia un goberno progresista para este
país, onde por parte do PSOE xa desde o principio estivo mareando a
perdiz. Eu ao día de hoxe 18 de febreiro, dou por descontado que haxa un goberno de progreso.
O máis
grave de todo isto, está non intento de destruír Podemos con
falsidades e ningunealos con unha longa lista de insultos por parte
dese Loby político-mediático, inclusive xa na última carreira de
investidura, acusando de que son os de Podemos os que están
dificultando a coalición de esquerdas, cando a realidade, a
dirección do PSOE e esa vella garda (momias), xamais fixeron nada
para facer tal coalición e agora teñen a hipocresía de acusar a
Podemos de que este partido sexa o responsable de que non se faga un goberno progresista.
Este é o
país que queren manter esa vella garda do PSOE (corrupción,
involución etc.); queren tratar que non se faga ese troco profundo
que España necesita axiña. Condenar a quen nunca gobernaron e non
facelo cos que arruinaron este país e de: desalmados e bandidos.
Desde o meu
humilde punto de vista, hai dúas clases de economistas: o que quere
facer máis ricos ao ricos e corruptos e os que queren facer menos
pobres aos pobres, entre estes últimos está o Premio Nobel de economía
Joseph Stiglitz.
Ningún comentario:
Publicar un comentario