O desprestixio da EU
Teo Cardalda F.
A humillación e terror ao goberno e o pobo grego chantaxeado por esa
tropa de indesexables da Troika, non ten precedentes. O atreverse a desafiar a
furia deses “deuses” desalmados do neoliberalismo coas armas da democracia, non
o admiten, non lles gusta o voto libre. Con esta humillación tamén ofende a
todos os pobos de Europa, que está dicindo que non quere estar na Europa dos
mercadores e dos sacauntos.
O ex-ministro de finanzas grego Varoufakis,
falou estes días por primeira vez, comentando :”Nuestra Eurozona no es
lugar muy apacible para la gente decente...”. Porén, fago a pregunta. ¿ e se a
autentica vitoria de Alexis Tsipras foi
o de desenmascarar e fotografar a falta de política social e solidariedade da
EU?. Coido que pode ser o intentar como obxectivo final o de despertar o maior
número de conciencias nos pobos do sur de Europa, ante o terror económico
(terrorismo financeiro) que está a provocar a Troika ao mando de Alemaña. Pode
ser que a única esperanza fora que, ollando este terror e humillante vitoria
xermánica, o resto dos países condenados pola débeda vaiamos preparándonos para
estar unidos contra o que tarde o cedo vainos suceder como o país Heleno.
Vista a falta de democracia e solidariedade
neste “Eurogrupo”, EU deixou de existir como unha Europa social, temos
que estar preparados para esta nova guerra económica, (promovida por os neocons
e traizoada polos socialistas e socialdemócratas), ou imos camiño de
converternos nos escravos modernos (cousa que xa está acontecendo neste país)
do capitalismo salvaxe de dúas velocidades, os de arriba contra os de abaixo.
Os desalmados xogaron a súa baza, a de
sempre: o medo e desmoralizar. O seu obxectivo non é soamente gañar, senón
derribarnos, tirar a toalla para sempre. Tsipras non puido gañar esta batalla,
porén, acadou desprestixiar un pouco máis a esta EU chea de monstros. Todas a
derrotas teñen algo positivo. O tempo diranos se os seus esforzos foron
estériles. Eu coido que non.
Ningún comentario:
Publicar un comentario