Secuestro da Democracia
Teo Cardalda F.
A organización internacional Oxfam, movemento global para a construción dun futuro libre e contra a inxustiza e a pobreza, sacou un informe estes días comentando: “...o 1% das familias máis poderosas do mundo acaparan máis do 46% da riqueza global...”. Isto quere dicir que 85 fortunas do mundo, suman tanto diñeiro como 3.570 millóns de pobres
No caso de España, os 20 españois máis ricos teñen o mesmo diñeiro que o 20% dos pobres. A partir destes dous últimos anos de crise (estafa) e das políticas que véñense adoptando, a desigualdade vai en aumento, sendo isto moi preocupante polo castigo ás clases medias e ás persoas máis desfavorecidas.Todo isto ven acontecendo desde que o poder financeiro secuestrou a democracia, onde as leis fanse para a clase privilexiada desde a súa elaboración e aplicación das mesmas, corrompendo ao poder político. Como exemplo: anulando o artigo 135 da Constitución con nocturnidade e aleivosía polos partidos PSOE e PP.
Na medida que redúcense os salarios e aumenta as desigualdades en favor das rendas superiores, prodúcese un grande acaparamento das elites económicas, sen contar os 50 billóns de euros que estas elites mundiais teñen en paraísos fiscais. O peor non é iso, senón que nas mans deses 20 españois están parte de políticos, xuíces, policías e de algúns da curia. Simone de Beauvoir, filósofa e pensadora francesa comentaba hai tempo: “...El opresor no sería tan fuerte si no tuviera cómplices entre los propios opresores...” .
Estes días algúns escachapiollos dos xornais e tertulianos de trolas sobre o de Gamonal, dicían que o que queima un contedor, esnaquiza un cristal ou tira ovos son violentos. Violencia é o que permite pasar fame a nenos , privatizando a sanidade e recortando no social. Estannos a roubar o presente e o futuro. O pasado no remata de fuxir, o presente moi negro e o futuro non da chegado.Os de Oxfam acábanse de dar conta de todo isto. Iso xa o dixo hai case dous séculos Karlitos Marx.
Publicado en Diario de Arousa e Galicia Dixital
Ningún comentario:
Publicar un comentario