Son como Túzaros
Teo Cardalda F.
Polos
anos 20 do século XX D. Ramón del Valle-Inclán facía unhas
declaracións que na actualidade pódense rescatar: …“España es
una deformación grotesca de la civilización europea”…
Seguindo con o grande literato de Vilanova, o mes pasado estiven na cidade de la Villa y Corte. Nuns intres de
vagar achegueime ao Paseo de Recoletos e darlle unha visita a don
Ramón del Valle-Inclán que alí ten unha estatua, estiven máis
dunha hora, senteime nun banco e comecei a lembrar aquelas fermosas
obras. A miña mente recalou no seu primeiro esperpento: Luces de
Bohemia”. Polo meu maxín pasou “martes de Carnaval”, “Los
Cuernos de Don Friolera” etc. Don Ramón, coa súa incrible
imaxinación, a súa innata rebeldía, poñía á clase política
daquela época como estropallos
Sabía
que non podía preguntarlle a don Ramón de certas entrevistas que
moitos xornalistas lle preguntaron, non o podía facer, pola sinxela
razón que soamente era unha estatua de bronce. A miña arela era ter
unha máquina do tempo para conversar sobre aquela entrevista que lle
fixeron en México, cando falou sobre Rei Alfonso III: “ …es un
cobarde vergonzoso …”
Cando
un xornalista en Madrid lle dixo: “¿ ha leído don Ramón lo que
opina Miguelito el golpista de usted ? ( o ditador Miguel Primo de
Rivera).
-Imposible
que haya leído nada de él porque ese botarate no sabe escribir ni
las ordenanzas cuartelarias.
-¿Dice
que usted es un “ciudadano extravagante”?.
– Y
lleva toda la razón. No pretenderá que sea un lameculos de los
obispos y de los burguesitos como lo es él. Su pasatiempo es ir
conquistando peñones, la isla de Peregil (isto lémbrame a Aznar),
Alhucemas. ¿No se le cagaran las gaviotas encima? .
Levanteime
do banco onde estaba sentado e volvín á realidade, despedinme de
don Ramón e atópome unha manifestación en contra dos
desafiuzamentos; acordeime do esperpento actual que estamos a vivir
neste país. Don Ramón desde o eterno paseo de Recoletos, contempla
alporizado como neste século XXI España segue gobernada por
botarates, covardes, impresentables e burguesitos lamecus que adoran o IBEX 35.
Cando
xa estaba algo lonxe de Recoletos, din un berro ao carón dunha
cafetería, os que estaban sentados na beirarrúa, creron que era un
tolo: ¡¡¡ Don Ramón, que esperpento de país temos hoxe!!!.
Isto
ben a conto sobre estes desalmados que levan gobernando desde fai
máis de catro anos (seis meses en funcións), o esperpento é o mesmo hoxe, aínda que en distinto contesto.
Desde
que nos desgoberna o PP os españois estamos sendo testemuñas do
máis grotesco e casposo que calquera pódese votar a cara. Somos o
“descojone” de Europa coas mentiras deste goberno que un día si
e outro tamén van vomitando ata saciedade. Xamais na historia da
democracia un goberno en tan pouco tempo (catro anos) tirouse ao
abismo dos despropósitos.
O
recorte de dereitos plasmados na Carta Magna, o ataque aos alicerces
do público en beneficio do privado. suspender axudas ás garderías,
becas de comedor para os nenos e suspensión de axudas a crianzas con
minusvalía (autistas e outras deformacións). Ocultación ao pobo
dun informe da ONU . Este informe censuraba os recortes de Rajoy
porque “aumentan o paro e prexudica aos desfavorecidos”.
Estamos
asistindo a un retroceso na historia a marchas forzadas. Dan medo.
Inculcan o medo, (¡Venezuela!. ¡Venezuela! ) de iso trátase,
acadar unha cidadanía chea de medo, sen educación, que nada se
cuestione e sen voz. É todo tan surrealista que non paro de flipar e
alucinar, teño unha sensación que todo o que acontece non está
acontecendo, asemella a unha parodia arrepiante: mentiras,
difamacións e manipulacións a moreas. Penso que todos estes novos
que entraron no PP, tiveron que facer cursillos para cínicos e saber
mentir como cosacos.
Esta
é a España inculta, un país intolerante, sectario que non admite o
diferente, que despreza outra cultura dicindo que as súas ideas
carcas e resesas son as únicas posibles, ideas herdadas daquelas
paranoias de falsas unidades e grandezas que seguen sen entender o
que é unidade, grandeza e liberdade. Son como túzaros de piñón fixo,
Estes
pertencen a esa España que exiliou a grandes intelectuais, a que
expulsou a Picasso, Alberti, Machado, Severo Ochoa, fusilou a
Lorca e Alexandre Bóveda. Agora nestes século XXI cambalache a nosa
xuventude, a máis preparada intelectualmente e tecnicamente, segue
"exiliándose" ao outros países.
Agora
que o penso, achégase o día 26 para votar, non sei se facelo en
Maracaibo ou en Caracas, pois non teño seguro cal é a miña mesa.
Publicado en Galicia Dixital
Publicado en Galicia Dixital
