DAN MEDO
Teo Cardalda F.
Polos anos 20 do século XX D. Ramón del
Valle-Inclán facía unhas declaracións que na actualidade pódense rescatar:
…“España es una deformación grotesca de la civilización europea”…
Desde que nos desgoberna o PP os españois estamos sendo
testemuñas do máis grotesco e casposo que calquera pódese votar a cara. Somos o
“descojone” de Europa coas mentiras deste goberno que un día si e outro tamén
van vomitando ata saciedade. Xamais na historia da democracia un goberno en tan
pouco tempo tirouse ao abismo dos despropósitos.
O recorte de dereitos plasmados na Carta Magna, o
ataque aos alicerces do público en beneficio do privado. Modificación da Lei do
aborto polo Ministro Gallardón ilegalizando a interrupción de un feto con
malformacións; para de seguido suspender axudas ás garderías, becas de comedor
para os nenos e suspensión de axudas a crianzas con minusvalía (autistas e
outras deformacións). Ocultación ao pobo dun informe da ONU que lle pediu en
xuño ao Executivo que lle dera ampla difusión. Este informe censuraba os
recortes de Rajoy porque “aumentan o paro e prexudica aos
desfavorecidos”.
Estamos asistindo a un retroceso na historia a marchas
forzadas. Dan medo. Inculcan o medo, de iso trátase, acadar unha cidadanía chea
de medo, sen educación, que nada se cuestione e sen voz. É todo tan surrealista
que non paro de flipar e alucinar, teño unha sensación que todo o que acontece
non está acontecendo, asemella a unha parodia arrepiante.
Esta é a España inculta, un país intolerante, sectario
que non admite o diferente, que despreza outra cultura dicindo que as súas ideas
carcas son as únicas posibles, ideas herdadas daquelas paranoias de falsas
unidades e grandezas que seguen sen entender o que é unidade, grandeza e
liberdade.
É a España que exiliou a grandes intelectuais, a que
expulsou a Picasso, Alberti, Machado, Severo Ochoa, fusilou a Lorca e Alexandre
Bóveda.
Publicado en Diario de Arousa e Galicia Dixital
Dan pánico
ResponderEliminar